20.08.2024

Assalomu alaykum, hurmatli tadbirkorlar!

Sizlarni, siz orqali butun mamlakatimiz bo‘ylab o‘z tadbirkorlik faoliyatini yuritib kelayotgan barcha ishbilarmonlarni "Tadbirkorlar kuni" bilan chin dildan qutlayman.

Azal-azaldan tadbirkor-u ishbilarmonlar makoni sifatida nom qozongan Gʻozg‘on diyori, bugun Yurtboshimizning tashabbuslari bilan ulkan sanoat shahriga ta’bir joiz bo‘lsa, tadbirkorlar shahriga aylandi!

So‘nggi yillarda yurtimizda tadbirkorlikka keng yo‘l berilib, qulay ishbilarmonlik muhiti yaratilmoqda, tizimli islohotlar amalga oshirilmoqda

Hurmatli Prezidentimizning "...hayot sinovlarida toblangan, so‘zida ham, ishida ham qat’iy, mard va tashabbuskor tadbirkorlarimiz bor ekan, ko‘zlangan marralarga albatta erishamiz" so‘zlari bugunning haqiqatiga aylanib ulgurdi.
Qadrli tadbirkorlar,
Barchangizni ushbu kun bilan samimiy qutlab, kelgusi faoliyatingizga muvaffaqiyat tilayman.

Nurali JO‘RAYEV
Gʻozg‘on shahar hokimi