31.05.2024

Gʻozg‘on shahri hokimligining katta majlislar zalida shahar Ma’naviyat va ma’rifat kengashining navbatdagi yig‘ilishi bo‘lib o‘tdi.

Yig‘ilishda shahar hokimi o‘rinbosari, Ma’naviyat va ma’rifat kengashi raisi o‘rinbosari R.Shodiyev, shahar MMTB boshlig‘i G.Rahmatova, shahar Ma’naviyat va ma’rifat bo‘linmasi rahbari O.Gʻafforov, shahar kengash a’zolari, shahardagi korxona va tashkilotlar rahbarlari, soha vakillari ishtirok etdi.

Yig‘ilishni shahar hokimi o‘rinbosari R.Shodiyev olib bordi.
Kengash yig‘ilishi kun tartibida belgilangan hududdagi umumiy o‘rta ta’lim maktablarida 2023-2024-o‘quv yili davomida ma’naviy-ma’rifiy yo‘nalishda amalga oshirilgan ishlar yuzasidan MMIBDO‘larining hisobotlari o‘qib eshittirildi.

Shundan so‘ng, sohada erishilgan yutuqlar hamda yo‘l qo‘yilgan kamchiliklar muhokama qilinib, mas’ullarga tegishli topshiriqlar berildi.