02.03.2024

Kitob – zamonlar to‘lqinida suzuvchi, o‘zidagi ma’nolar xazinasini ajdodlardan avlodlarga avaylab yetkazuvchi tafakkur kemasidir. Uning har bir sahifasi hikmatlarga boy va dillarga ro‘shnolik kiritib, ezgu tuyg‘ularni uyg‘otmoqqa qodir.

Bugun yurtimizda chindan ham kitobni sevuvchi, kitob bilan yashayotgan yoshlar salmog‘i tobora oshib bormoqda.

Kuni kecha Gʻozg‘on shahar hokimi tashabbusi bilan "Yosh kitobxon" Gʻozg‘on shahar hokimi kubogi o‘yinlariga start berildi.

Tadbirning ochilish marosimida noodatiy tarzda tashkil etilgan "Zakovat" intellektual o‘yinida shahar sektor rahbarlari, hokim o‘rinbosarlari, tashkilot rahbarlari yoshlar bilan bir jamoa bo‘lgan holatda o‘zlarining bilimlarini bir qadar sinovdan o‘tkazishdi.

Samimiy kechgan bilimdonlik bellashuvi yakunida DO‘STLIK g‘alaba qozondi.