24.06.2023

Gʻozg‘on shahar hokimligi binosida sektor rahbarlarining bitiruvchilar bilan uchrashuvi o‘tkazildi.

Uchrashuv avvalida shahar hokimi A.Bazarov bitiruvchilarni samimiy tabriklab, ularni jonajon yurtimizning ertangi mustahkam kuchi, ishonchi ekanligini alohida ta’kidladi.

Keyingi navbatda ta’lim muassasasini oltin medal bilan yakunlagan o‘quvchilarga mas’ullar tomonidan medallar topshirildi. Navqiron avlodni tarbiyalab voyaga yetkazgan ota-onalari, ustozlariga tashakkurnoma hamda esdalik sovg‘alari topshirildi.

  
Ma’lumot uchun: joriy 2022-2023-o‘quv yilida hududdagi mavjud 3 ta umumiy o‘rta ta’lim maktabini 107 nafar bitiruvchi tugatdi. Shundan 11 nafar yigit-qiz oltin medallar bilan yakunladi.

G‘ozg‘on shahri hokimligi Axborot xizmati